Եվրախորհրդարանը կվավերացնի Եվրամիության հետ Վրաստանի ասոցացման մասին համաձայնագիրն «ընթացիկ տարվա դեկտեմբերի սկզբին»:
Այդ մասին վրաց լրագրողներին հայտարարել է Բրյուսելում գտնվող Վրաստանի եվրոպական և եվրաատլանտյան ինտեգրման հարցերով պետնախարար Ալեքսի Պետրիաշվիլին, հաղորդում է ТАСС-ը:
«Եվրախորհրդարանն ամբողջությամբ աջակցում է այդ փաստաթղթի վավերացմանը մինչև 2014 թվականի ավարտը, մասնավորապես՝ դեկտեմբերի սկզբին»,- հայտնել է նա: Այդ հայտարարությունը պետնախարարն արել է Եվրախորհրդարանի և Եվրահանձնաժողովի անդամների հետ իր հանդիպումների ավարտից հետո:
Վրաստանի և ԵՄ-ի միջև ասոցացման մասին համաձայնագիրը ստորագրվել է այս տարվա հունիսի 27-ին Բրյուսելում: Այն ամբողջությամբ ուժի մեջ կմտնի, երբ այն վավերացնեն Եվրախորհրդարանը և ԵՄ բոլոր անդամ երկրների խորհրդարանները:
