Կրեմլում պատրաստ են ՌԴ և ԱՄՆ նախագահների՝ Վլադիմիր Պուտինի և Բարաք Օբամայի հեռախոսազրույցին, սակայն հնարավոր շփման ամսաթիվը դեռևս որոշված չէ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, փոխանցում է Газета-ն։
«Մենք նույնպես չենք բացառում առաջնորդների հեռախոսազրույցը։ Նախագահների համաձայնության դեպքում նման զրույց կարող է կայանալ՝ ըստ անհրաժեշտության»,- ասել է Պեսկովը՝ նշելով, սակայն, որ դեռևս նման պայմանավորվածություն չկա։
