«Զոլոտայա Կորոնա - Դրամական փոխանցումներ» համակարգի միջոցով այսօր ՀՀ ոչ մի բանկում որևէ գործարք չի լինում կատարել: Խնդրի հետ կապված ՀՀ-ում գործող բանկերի աշխատակիցներն ասում են, որ խնդիրը կապված է «Զոլոտայա Կորոնա» համակարգում կատարված ծրագրային փոփոխությունների հետ, որոնք իրականացվել են Ռուսաստանում:
www.analitik.am-ը Ռուսաստանի բանկերից փորձեց պարզել, թե ինչ ծրագրային փոփոխությունների մասին է խոսքը, որի պատճառով մարդիկ չեն կարողանում ստանալ իրենց փոխանցումները կամ գումարներ փոխանցել: Ռուսական կողմի փոխանցմամբ՝ իրենց մասով որևէ խնդիր չկա, և հայկական բանկերի հետ է պայմանավորված խնդիրը, ուստի պետք է Հայաստանում պարզել և լուծում տալ:
Իրականում ով է մեղավոր, որ «Զոլոտայա Կորոնա - Դրամական փոխանցումներ» համակարգը ՀՀ բանկերում օգօոստոսի 7-ից չի աշխատում, պարզ չէ: ՀՀ բանկերի աշխատակիցների փոխանցմամբ համակարգն ամենայն հավանականությամբ կաշխատի օգոստոսի 8-ից:
