Ղազախստանի ձեռնարկատերերի ազգային պալատն (ՁԱՊ) առաջարկում է երկրի կառավարությանն առևտրային ժամանակավոր սահմանափակումներ մտցնել Եվրասիական տնտեսական միության շրջանակում՝ ռուսական ռուբլու թուլացման պատճառով ներքին շուկան պաշտպանելու համար, հայտնում է РИА Новости-ն։
«Տենգեի լուրջ կայունացումը ռուսական ռուբլու հանդեպ բացասական է անդրադառնում Ղազախստանի տնտեսության արտադրական ոլորտների վրա։ Կառավարությունն այժմ մշակում է միջոցներ, որպեսզի թույլ չտա տնտեսական աճի նվազում»,- ասվում է հաղորդագրության մեջ։
Այս կապակցությամբ ՁԱՊ-ը կարծիք է հայտնել, որ անհրաժեշտ է պաշտպանել ներքին շուկան՝ սահմանելով ժամանակավոր առևտրային սահմանափակումներ, «որոնք թույլատրելի են ԵՏՄ-ի համաձայնագրերով»։
ԵՏՄ-ն ստեղծվում է Մաքսային միության հիման վրա, 2015-ի հունվարի 1-ից։
