WTI ապրանքանիշի նավթի գինը Նյու Յորքի բորսայում աճուրդի ժամանակ հասել է 2009-ին գրանցված նվազագույն ցուցանիշին, ինչը պայմանավորված է դոլարի փոխարժեքի ամրապնդմամբ:
Корреспондент-ի հաղորդմամբ` այսօրվա դրությամբ` WTI ընկերության նավթի սեպտեմբերյան ֆյուչերսները էժանացել են 2.47 տոկոսով` կազմելով 42.23 դոլար` մեկ բարելի դիմաց: 2009-ի մարտին գրանցված նվազագույն արժեքը 42.37 դոլար էր` մեկ բարելի դիմաց:
Միևնույն ժամանակ Brent ընկերության նավթի սեպտեմբերյան ֆյուչերսների արժեքը նվազել է 1.17 տոկոսով` կազմելով 49.08 դոլար` մեկ բարելի դիմաց:
Համաշխարհային բանկի զեկույցի համաձայն` Իրանի նկատմամբ պատժամիջոցների վերացումը զգալի ազդեցություն կունենա համաշխարհային նավթային շուկայի և իրանական տնտեսության վրա:
Ակնկալվում է, որ Իրանի լիարժեք վերադարձը միջազգային շուկա 2016-ին կհանգեցնի նավթի գնանկման` մինչև 10 դոլարի՝ մեկ բարելի դիմաց:
