Աշխատանքի և սոցիալական հարցերի նախարար Արտեմ Ասատրյանն այսօր լրագրողների հետ հանդիպմանն ասաց, որ կառավարությունը 2015թ-ին հանրապետության ողջ տարածքում նախատեսում է իրականացնել տնտեսության աջակցության ծրագրեր՝ սեզոնային զբաղվածության խթանման միջոցով:
«Այս նպատակով պետբյուջեից տրամադրվելու է 1 մլրդ 125 մլն դրամ: Ծրագիրը կիրականացվի աշխատաշուկայում անմրցունակ հանդիսացող 3200-ից ավելի հողօգտագործողների համար, որի շրջանակում նախատեսվում է, որ շուրջ 7400 անձ պետք է ունենան ժամանակավոր զբաղվածություն»,- ասաց նախարարը:
Նախարարն ընդգծեց, որ արդեն իսկ նախապատրաստական աշխատանքներ իրականացվել ու իրականացվում են մարզպետների և համայնքների ղեկավարների հետ:
«Նախատեսվում է սեզոնի հետ կապված այս ծրագրերի մեկնարկը տալ մոտ ժամանակում, որպեսզի աջակցենք գյուղատնտեսական տնտեսություններին»,- ասաց նա:
