ՄԱԿ-ի՝ ՄԻԱՎ/ՁԻԱՀ-ի դեմ պայքարի միացյալ ծրագիրը կոչվում է UNAIDS և հենց նրա շահերը պետք է ներկայացնի երգչուհի Վերա Բրեժնևան։ Կազմակերպության բարի կամքի դեսպանի պաշտոնում նա կմասնակցի ՄԻԱՎ-ի պրոֆիլակտիկայի հարցով արշավներին՝ հատուկ ուշադրություն հատկացնելով վարակված կանանց, գրում է elle.ru-ն։
Վերան խոստովանել է, որ իր համար մեծ պատիվ է միանալ ծրագրին։ «Ես զգում եմ, որ միասին մենք կկարողանանք ինչ-որ բան փոխել կանանց և աղջիկների կյանքում, որոնք վարակված են ՄԻԱՎ-ով։ Ես նրանցից շատերի հետ եմ շփվել, նրանք գեղեցիկ և ուժեղ կանայք են, որոնք բախվել են լուրջ փորձությունների, ներառյալ՝ խտրականության բուժհաստատություններում և նույնիսկ սեփական ընտանիքներում։ Խնդրի լուծման լավագույն միջոցը դրա մասին խոսելն է»,- ասել է Բրեժնևան։
