Հայ բռնցքամարտիկ Վիկ Դարչինյանը հունիսի 6–ին ռինգ դուրս կգա WBA վարկածով 57 կգ քաշային կարգում իններորդ չեմպիոնական գոտին պաշտպանելու նպատակով։ Այդ մասին հայկական «Առավոտ» թերթին հայտնեց ինքը` մարզիկը, ով Հայաստան է ժամանել Օսմանյան կայսրությունում Հայոց ցեղասպանության զոհերի հիշատակին հարգանքի տուրք մատուցելու համար։
«Իմ քաշը 53.5 կգ է, բայց այդ քաշային կարգում և մինչև 55 կգ քաշային կարգում ոչ ոք ինձ հետ մենամարտի դուրս գալ չի ցանկանում»,– ասաց նա։
Դարչինյանը նշեց, որ կսկսի մարտի պատրաստվել ԱՄՆ–ում կամ Ավստրալիայում` Երևանից մեկնելուց անմիջապես հետո։
