Էլեկրաէներգիայի սակագնի թանկացման թեմայով իր «անչափ կարևոր» կարծիքն է հայտնել Ազգային անվտանգության միակ և պատվավոր անդամ-նախագահ Գառնիկ Իսագուլյանը:
Վերջինս առաջարկել է, որ պետք է հարուստների ու իշխանավորների դղյակները վաճառել և այդ գումարներով փակել ՀԷՑ-ի պարտքերը:
Ինչ համարձակության տեր մարդ է... Ինքն իր մասին չմտածելով, ինքնազոհողության է գնում և առաջարկում է մտնել իշխանավորների գրպանները:
Բայց հարց է առաջանում դրանից հետո ինչպես է ապրելու դարեր ի վեր իշխանություններից սնվող Իսագուլյան Գառնիկը:
Կարծում եմ` իր այս հայտարությունից փոշմանել է նաև հենց ինքը` թաքնված «օլիգարխ» Իսագուլյանը, քանի որ 90-ականներից կուտակած ու դիզած հարստությունը չեմ կարծում, որ կուզենա վաճառել հանուն ՀԷՑ-ի պարտքերի:
