Գործարար Խաչատուր Սուքիասյանի՝ Գրզոյի, վերջին շրջանի ակտիվացումները, ակնհայտ իշխանամերձությունը, նախագահի կողմից նրա հանդեպ դրսևորված արտակարգ սրտառուչ վերաբերմունքը, Սուքիասյանի հաստատած բեսպրեդելն ու անպատժելիությունը հուշում են, որ 2008 թվականի մարտի 1-ի ողբերգական իրադարձությունները կազմակերպվել են ոչ միայն իշխանության, այլև հենց ՀԱԿ-ի կողմից՝ որոշ ,,նյուանսներ,, համաձայնեցնելով և փոխադարձ պայմանավորվածություններ ունենալով...
Այն, որ մի քանի հոգի իսկապես ազնվորեն պայքարում էին իշխանափոխության, նոր իրավիճակի հաստատման համար՝ չեմ կասկածում, բայց Լևոն Տեր-Պետրոսյանի հանդեպ ցուցաբերված ակնհայտ բարեհաճությունը, Խաչատուր Սուքիասյանի ,,վերածնունդը,, , ՀԱԿ մի խումբ գործիչների ԱԺ պատգամավորի մանդատի իշխանական նվիրատվությունը միայն մի բան են հաստատում. ՀԱԿ-իշխանություն ալյանսը վաղուց է կայացել: Մարտի1-ի ողբերգությունը պետք էր նաև ՀԱԿ-ին՝ ընդդիմադիր դաշտում ինքնահաստատվելու, ժողովրդի վստահությունը շահելու համար...
Չմոռանանք, հենց մարտի 1-ը ծնեց ներկա իշխանությունների մեծագույն ,,դհոլներից,, մեկին, որը կեղծ ընդդիմադիր ներկայանալով և ,,մերկացնող,, ելույթներ ունենալով, ըստ էության, կատարում է այն դերը, որը ժամանակին վերապահված էր Արտաշես Գեղամյանին և որոշ ԲՀԿ գործիչների...
Ֆեյսբուքյան իր էջում գրում է Լևոն Մութաֆյանը:
