«Գենդեր» հասկացությունը ժամանակակից աշխարհի խոշորագույն նվաճումներից է: Եթե «սեռ» հասկացությունը բնութագրում է կանանց և տղամարդկանց կենսաբանական, ֆիզիկական, ֆիզիոլոգիական և բնության կողմից տրված այլ առանձնահատկությունները, ապա «գենդերը» սոցիալական սեռն է, որը մատնանշում է կնոջ և տղամարդու միջև առկա սոցիալական տարբերությունները և հասարակության կողմից նրանց վերագրված դերերի առանձնահատկությունները:
Կադրային մենեջմենթի ժամանակակից տեսություններում գենդերը դիտարկվում է որպես սոցիալական սեռ, որը իրենից ներկայացնում է սոմատիկ վերարտադրողական, սոցիոմշակութային,վարքային բնութագրերի ամբողջություն, որոնք ապահովում են անհատի կին կամ տղամարդ լինելու անձնային, սոցիալական և իրավական կարգավիճակը:
Գենդերային տարածությունը հիմնավորում է կարիերային հավակնությունները և դրանց ստրատեգիաների իրականացումը: Աշխատանքային վարքի մոդելների ձևավորման վրա ազդում են տղամարդու և կնոջ կարիերայի հիմնական ստերիոտիպերը:
Տղամարդիկ և կանայք տարբեր կերպ են գնահատում հաջողությունը կարիերայի ոլորտում: Կանայք ավելի շատ ուշադրություն են դարձնում փոխհարաբերություններին, փոխհասկացմանը, կոլեկտիվում բարեհաջող մթնոլորտին: Տղամարդիկ ավելի շատ կենտրոնանում են անհատական հաջողության և իրենց կարգավիճակի բարձրացման վրա, քանի որ իրենց համար կարևոր է կոլեգաների կողմից գնահատվելը` որպես պոտենցիալ մրցակից:
Տղամարդու մենտալիտետին բնորոշ է`
- կարգավիճակի աճման հնարավորությունները, ծառայողական սանդուղքում առաջընթաց ունենալը.
- լավ վարձատրվող աշխատանքը.
- ուսուցման կամ պրոֆեսիոնալիզմի զարգացման հնարավորությունները:
Կնոջ մենտալիտետին բնորոշ է`
- ընկերական մթնոլորտում աշխատելը.
- աշխատանքի ընդունելի պայմանները.
- լավ հարաբերություններ ղեկավարի և հոյակապ փոխհրաբերություններ կոլեգաների հետ:
