Կյանքը չի սիրում թույլ մարդկանց, քանի որ ուժեղ մարդիկ վեր են բարձրանում, իսկ թույլերը մնում են ներքևում:
Ուժեղ են այն մարդիկ, ովքեր ունեն մեծ նպատակներ, նպատակասլաց են, աշխատասեր ու պատասխանատու: Նրանք ամեն ինչ անում են իրենց նպատակներին հասնելու համար, գնում են մինչև վերջ և չեն նահանջում երբեք:
Ուժեղ են այն մարդիկ, որոնք հոգում են ուրիշների կարիքները և դրա համար հաճախ զոհաբերում են իրենց: Ուժեղ են այն մարդիկ, ովքեր ստեղծում են ընդհանուր արժեքներ, որոնք փոխում են պատմության ընթացքը և առանց որոնց այս աշխարհում ինչ-որ բան պակաս կլիներ:
Միշտ պետք է հիշել, որ ուժեղ մարդ լինել չի նշանակում ուժեղ լինել ֆիզիկապես, կամ քեզ ենթարկել թույլերին՝ նրանց ֆոնի վրա ուժեղ երևալու համար: Ուժեղ մարդ լինել չի նշանակում «ուժեղ» բաների մասին խոսել, բայց ոչինչ չանել:
Միշտ եղեք ուժեղ, մի՛ թուլացեք նույնիսկ ամենադժվար պահերին և շարժվեք դեպի Ձեր նպատակը՝ հիշելով, որ այս կյանքի աստիճանները, որոնք տանում են մեզ դեպի վերև, ընտրում են միայն աշխատասերներին ու կամքով ուժեղներին:
