Հասակակիցնեիր կողմից պարբերաբար ծաղր ու ծանակի ու ճնշումների ենթարկված երեխաները ավելի հաճախ են ստանում հոգեբանական տրավմաներ, ընկնում դեպրեսիայի մեջ ու դիմում ինքնասպանության: Սակայն, գիտնականներին հաջողվել է նման եւրեւույթները հայտնաբերել վաղ հասակում, երբ հնարավոր է շատ հեշտ բացառել ու կանխարգելել դրանք:
Անգլիայի Վերվիկի համալսարանի գիտանականները պարզել են, որ գիշերային մղձավանջով առավելապես տառապում են 12-ամյա երեխաները, որոնք հոգեբանական ճնշման են ենթարկվել 8-10 տարեկան հասակում: Այն, որ գիշերային մղձավանջը հանդիպում է երեխաների մոտ դա իրականություն է, սակայն, եթե այն կրում է պարբերաբար ու երկարատեւ բնույթ, ապա դա հաստատում է իրողությունը, որ երեխան ճնշման է ենթարկվում հասակակիցների կողմից: Ուստի ծնողները առավել ուշադիր պետք է լինեն երեխաների հանդեպ, գիտակցեն, որ քնի նման խաթարումները կարող են պայմանավորված լինել նրանով, որ երեխային պարբերաբար նեղացնում են:
Նման դեպքում նրանք կարող են խոսել երեխայի հետ, փորձել ելք գտնել ստեղծված իրավիճակից:
Այնպես, որ առանձնակի ուշադրություն դարձրեք ձեր երեխաների քնին, քանի որ գիշերային մղձավանջը կարող է պայմանավորված լինել ոչ թե սարսափ ֆիլմերով, այլ էմոցիոնալ առավել լուրջ խնդիրներով:
