«Հայկական ժամանակ» թերթը գրում է. «Առաջիկա օրերին ՀՀ-ում սպասվում է խիստ բարձր ջերմային ֆոն: Սա նշանակում է, որ ջերմաստիճանն էլի կբարձրանա:
Առանց այդ էլ, ինչպես ասում են, վիճակը վիճակ չէ: Երեկ Վայոց Ձորի Արենի համայնքում գրանցվել է +41 աստիճան տաքություն: Մայրաքաղաք Երևանում գրանցվել է մի փոքր ցածր՝ +40,6 աստիճան: Մեղրիում գրանցվել + 38, իսկ Հայաստանի ամենացածր կետում՝ Բագրատաշենում՝ 37 աստիճան տաքություն:
Այսօրվա համար օդերևութաբանները կանխատեսել են 40 աստիճան տաքություն:
Ամեն դեպքում՝, եթե առաջիկա օրերին սպասվում է խիստ բարձր ջերմային ֆոն, և «Հիդրոմետն» այդ մասին հայտարարությամբ է հանդես գալու, սա նշանակում է, որ ջերմաստիճանը կարող է հատել անգամ +42-ի շեմը, որը Երևանի համար ռեկորդային է»:
Մանրամասները՝ թերթի այսօրվա համարում
