Հս. Ամերիկացի հոգեբաններն իրեն հետազոտություններում եկել են այն եզրակացության, որ մեր օրերում թույլ սեռի ներկայացուցիչներն ավելի քիչ են երջանիկ, քան տղամարդիկ:
Հաստատված է, որ ժամանակակից տղամարդիկ սովորել են ավելի շատ ժամանակ տրամադրել հանգստին և ավելի քիչ` աշխատանքին: Մինչդեռ այսօր, կանայք աշխատում են ավելի շատ, քան 60-ական թվականների կանայք էին աշխատում:
Հետազոտությունները ցույց են տվել, որ իրենց կյանքից գոհ տղամարդկանց թիվը 1967 թվականին կազմում էր հետազոտություններին մասնակցած տղամարդկանց մոտ 60%-ը: Մեր օրերում նրանց թիվը նվազել է մինչև 25%, իսկ երջանիկ կանանց թիվը կազմում է 22%:
Հետազոտողները պնդում են, որ կանայք 40-50 տարի առաջ առավել բավարարված էին իրենց կյանքից, քանի որ ավելի քիչ էին ամբիցիոզ: Նրանք չէին փորձում անցնել տղամարդկանց սոցիալական կյանքում և կարիերայում: Բացի ընտանիքից ու երեխաներից, այսօր, նրանք ցանկանում են նաև կարիերա անել: Այս ամենի արդյունքում առաջանում են բազմաթիվ խնդիրներ, որոնք էլ հանգեցնում են նրան, որ կանայք այլևս չեն կարողանում անել այն, ինչ ուզում են, ու նրանց մոտ առաջանում է անբավարարվածության զգացողություն:
Սկզբնաղբյուրը՝ Psymag.am
