Եթե կարող է ինչ-որ անախորժություն լինել, այն կլինի:
Հետևանքներ.
1.Ամեն ինչ այնքան հեշտ չէ, որքան թվում է:
2.Յուրաքանչյուր աշխատանք ավելի շատ ժամանակ է պահանջում, քան կարծում եք:
3.Բոլոր անախորժություններից կպատահի հենց այն, որից կորուստներն առավել շատ են:
4.Եթե հնարավոր անախորժությունների 4 պատճառները չեզոքացված են, անպայման կգտնվի հինգերորդը:
5.Բարձիթողի մատնված իրադարձությունները միտում ունեն զարգանոլւ վատից դեպի վատթարագույնը:
6.Երբ ձեռնամուխ եք լինում ինչ-որ գործի, հայտնվում է մեկ այլ աշխատանք, որը շտապ պետք է անեք:
7.Ցանկացած որոշում նոր խնդիրներ է առաջ բերում:
Այն, ինչ կարող է փչանալ, փչանում է:
Հետևանքն. այն, ինչ չի կարող փչանալ, նույնպես փչանում է:
Եթե գործերը լավ են ընթանում, ուրեմն մոտ ապագայում ինչ-որ բան պետք է լինի:
Հետևանքներ.
1.Եթե գործերը շատ վատ են ընթանում, մոտ ապագայում էլ ավելի վատ կընթանան:
2.Եթե ձեզ թվում է, որ իրավիճակը լավանում է, ուրեմն ինչ-որ բան չեք նկատել:
Ցանկացած առաջարկ մարդիկ այլ կերպ են հասկանում, քան այդ առաջարկն անողը:
Հետևանքներ.
1.Եթե անգամ ձեր բացատրությունն այնքան պարզ է, որ բացառում է ցանկացած սխալ մեկնաբանություն, միևնույն է, կգտնվի մեկը, ով ձեզ սխալ կհասկանա:
2.Եթե վստահ եք, որ ձեր արարքը համընդհանուր հավանության կարժանանա, ինչ-որ մեկին այն անպայման դուր չի գա:
