ԱՄՆ-ում լավագույն աշխատանք է համարվում ծրագրային ապահովման ոլորտի աշխատակիցների աշխատանքը: Այդ մասին ասվում է US News-ի կազմած 100 լավագույն աշխատանքների վարկանշային աղյուսակում:
Եռյակում ընդգրկվել են համակարգչային համակարգերի վերլուծաբաններն ու ատամնաբույժները:
Առավել հեռանկարային աշխատանքների թվում նշվում են ֆելդշերները, դեղագործները, բժիշկ-թերապևտները, բուժքույրերը, վեբ-դեվելոփերներն ու ատամների հիգիենայի մասնագետները:
Հարյուրյակում են հայտնվել նաև արթ-տնօրենները, ճարտարապետները, սանտեխնիկները, գրասենյակային աշխատողները, հոգեբանները, արհեստավորները, որոնց պահանջարկը մեծ է:
US News-ը վարկանիշը կազմելիս առաջնորդվել է մի քանի չափանիշով, հաշվի է առնվել աշխատաշուկայի աճը ամեն ոլորտում: Դրա համար հավաքվել են ԱՄՆ վիճակագրական ծառայության բյուրոյի ցուցանիշները:
