Առողջ սովորություններ են ունենում լավատեսորեն տրամադրված կանայք, պնդում են հետազոտողները:
Արիզոնա նահանգի (ԱՄՆ) Տուսոն համալսարանի հետազոտողները պարզել են, որ լավատեսորեն տրամադրված կանայք հետեւում են առողջ սննդի սկզբունքներին, հաղորդում է Fox News-ը:
Իրենց ուսումնասիրության համար հետազոտողները օգտագործել են կանանց երկու խմբերի տվյալներ՝ առաջին խմբում կային 13 500 կանայք, ովքեր մասնակցել են առողջ, անյուղ դիետայի ծրագրին, իսկ 2 խմբում՝ 20 000 կանայք, որոնք ոչ մի փոփոխություն չեն մтցրել իրենց սննդակարգի մեջ: Բոլոր մասնակիցները, 50-79 տարեկան, հետկլիմաքսային վիճակում են գտնվել:
Կանանց լավատեսության մակարդակը բացահայտվել է հատուկ հարցաթերթիկի միջոցով: Հետո հետազոտողները համեմատել են ծրագրի սկզբում եւ վերջում՝ 1 տարի անց, ստացած արդյունքները:
Հետազոտողները պարզել են, որ ավելի լավատեսորեն տրամադրված կանայք՝ մասնակիցների մեկ երրորդը, առավել լավ են բարելավել իրենց սննդակարգը՝ անկախ ծրագիրը ավարտելուց:
«Դուք չեք կարող ստիպել հոռետեսական հայացքներ ունեցողին դառնալ լավատես: Ուղьակի պետք է կենտրոնանալ այն հատկանիշների վրա, որոնք լավատեսին հաջողակ են դարձնում», - ասել է հետազոտության ղեկավար, դիետոլոգ Մելանի Հինգելը Journal of the Academy of Nutrition and Dietetics ամսագրին:
Այդ հմտություններից մեկը ինքնակառավարումն է կամ վարքագծի ընկալումը:
Երկրորդը՝ բացասական էմոցիաները եւ հույզերը հաղթահարելու այլ միջոց գտնելն է՝ անառողջ սննդի կամ սիգարետի փոխարեն:
«Նման պահերին պետք է Ձեր մեջ ուժ գտնեք եւ ինչ-որ օգտակար բանով զբաղվեք՝ շնչառական վարժություններ, զրույց ընկերոջ հետ կամ զբոսանք», - ասում է Հինգլը:
Լավատես մարդիկ կարողանում են աջակցություն ստանալ իրենց շրջապատողներից: Դա շատ կարեւոր գործոն է, քանի որ ընկերների եւ ընտանիքի օգնությունը այս պարագայում մեծ դեր կարող է ունենալ առողջ ապրելակերպի համար:
