Forbes.ru կայքի փոխանցմամբ՝ Microsoft ընկերության հիմնադիր Բիլ Գեյթսը հերթական անգամ ճանաչվել է, որպես աշխարհի ամենահարուստ մարդը: Նրա կարողությունը գնահատվում է 75 միլիարդ դոլար:
2015 թ. 60-ամյա Գեյթսի կարողությունը կրճատվել է 4.2 մլրդ դոլարով, սակայն դա նրան չի խանգարել երրորդ անգամ անընդմեջ գլխավորել միլիարդատերերի վարկանիշը: Վերջին 22 տարիներին Գեյթսն ամենահարուստ մարդ է ճանաչվել 17 անգամ:
Նշենք, որ Forbes-ի վարկանիշային աղյուսակում ընդգրկված է 4 հայ գործարար։
Սերգեյ Գալիցկինը (Հարությունյան), որի կարողությունը գնահատվում է 5,7 մլրդ դոլար: Նա «Մագնիտ» ցանցի, ինչպես նաև «Կրասնոդար» ֆուտբոլային ակումբի սեփականատերն է:
Երկրորդ հայ միլիարդատերը «Տաշիր» ընկերությունների խմբի սեփականատեր Սամվել Կարապետյանն է՝ 3,1 մլրդ կարողությամբ։
«Զվարթնոց» օդանավակայանի սեփականատեր Էդուարդո Էռնեկյանը, որի կարողությունը գնահատվում է 2,2 մլրդ դոլար:
Forbes-ի վարկանիշային աղյուսակում ընդգրկվել է նաև «Ռոսգոսստրախ» ապահովագրական ընկերության ղեկավար Դանիլ Խաչատուրովը՝ 1.4 մլրդ դոլար կարողությամբ: