Երեխաները սովորաբար հակված չեն ծնողների հետ քննարկելու այն հարցերը, որոնք իսկապես անհանգստացնում են իրենց:
Ծնողների դերն այս գործում հսկայական է: Փոխհարաբերությունների անկեղծությանը նպաստում են երեխաների հետ պարբերաբար տարվող զրույցները: Զրույցների ընթացքում կարևոր է, որ ծնողն անկեղծ լինի՝ ոչ չափից դուրս զգացմունքային, ոչ էլ չափից շատ զուսպ իր զգացմունքներում: Երբ ծնողները անկեղծ և ազատ են երեխայի հետ կիսելու իրենց առօրյա հույզերը, մտահոգությունները և երջանիկ պահերը, ապա երեխաներն էլ սկսում են ավելի ազատ լինել իրենց ծնողների հետ:
Այսպիսով, եթե ծնողները ցանկանում են, որ իրենց երեխաներն ազատ և անկեղծ լինեն իրենց հետ շփվելու ընթացքում, կա շատ պարզ եղանակ՝ նույն վերաբերմունքը ցուցաբերել երեխաների հանդեպ:
