Դավիթ Սանասարյանը ֆեյսբուքյան իր էջում գրում է․
Ուշադրություն !!!!
Ֆրանսիացի պատգամավորները, սենատորները ինչպես նաև քաղաքապետեր սատկացրել են Ալիևին
Շատ կարևոր հայտարարություն` ՏԱՐԱԾԵԼՈւ համար !!!!!
Հատկապես տարածում ենք ֆրանսիախոս տարածքներում:
Merci beaucoup Tsovinar Margaryan jan
ԵԱՀԿ-ն պետք է վերականգնի ԼՂ մասնակցությունը բանակցային գործընթացին
Մասնակցությամբ` Ֆրանսուա Ռոշեբլունի (պատգամավոր, Լուարա), Գի Տեսիե (պատգամավոր, Բուշ-դյու-Ռոն), Ռենե Ռուքե (պատգամավոր, Վալ-դե-Մար), Նիկոլա Դարագոն (քաղաքապետ, Վալանս), Լյուք Քարվունա (սենատոր, ֆր. Վալ-դե-Մար), Անդր Սանտինի (պատգամավոր Օ-դը-Սեն):
Ահա արդեն 6 օր է, ինչ Հարավային Կովկասը կրկին բորբոքված է: Օգտվելով միջազգային անտարբերությունից` Իլհամ Ալիևի բռնապետական Ադրբեջանը փորձեց կրկին վերանվաճել իր նախկին գաղութ Լեռնային Ղարաբաղի Հանրապետությունը: Այս բախումը փխրուն հրադադարի խախտման հետևանքն էր: Մինչ ԵԱՀԿ Մինսկի խումբը (համանախագահությամբ Ֆրանսիայի, Ռուսաստանի և ԱՄՆ-ի) անհապաղ նիստ էր հրավիրել հակամարտող կողմերի անմիջական մասնակցությամբ, պետք է նշել, որ այդ հարձակումը շահ չբերեց կողմերին, քանզի համարյա ամեն ինչ մնաց անփոփոխ:
Այս ամենից մնաց միայն մեկ բան`Ղարաբաղի քաղաքացիները կրկին անգամ իրենց կյանքով դիմակայեցին Բաքվի բռնակալի վրիժառությանը. հրետանային ռմբակոծության ենթարկված քաղաքներ, իրենց դպրոցի բակում սպանված երեխաներ, դիվերսիայի հատուկ ջոկատայինների կողմից սպանված և խոշտանգված խաղաղ բնակիչներ:
Այս ամենից հետևում է մեկ բան` այլևս ոչ ոք չպիտի համարձակվի ղարաբաղցիներից պահանջել, որ նրանք ապրեն մի ռեժիմում, որի նպատակը իրենց ֆիզիկական ոչնչացումն է: Ղարաբաղցիների համար անկախությունն ու պետականության հաստատումը երբեք չի եղել նպատակ, այլ միջոց. միջոց` ապրելու խաղաղության ու անվտանգության մեջ, միջոց` իր քաղաքացիների կողմից հարգված ժողովրդավար պետություն ստեղծելու, բաց` աշխարհի առաջ և դեմքով դեպի ապագան:
Ադրբեջանը հարուստ երկիր է, բայց ադրբեջանցիներն աղքատ են: Նրանք իսկապես ոչինչ չունեն, մինչդեռ իրավունք ունեին օգտվելու նավթային հարստություններից, որն այժմ իշխող ընտանիքի մենաշնորհն է: Ալիևի կլանի համար, ով պարբերաբար հիշատակվում է «Swissleaks» և այլ «Panama Papers»-ներում, Ղարաբաղի դեմ պատերազմը լավագույն միջոցն է շեղելու քաղաքացիների ուշադրությունը իր նյութական ու բարոյական մեքենայություններից, ինչի հետևանքով աղքատանում է ժողովուրդը:
Այս ամենին քաջ տեղյակ միջազգային հանրությունը, ուրեմն, պետք է կրի իր բաժին պատասխանատվությունը: Մենք առաջարկում ենք, որ ԵԱՀԿ Մինսկի խումբը սահմանի բանակցությունների ներքոնշյալ հետևյալ սկզբունքները, որոնք, վստահ ենք, հնարավորինս արդյունավետ կլինեն:
Մի կողմից ԼՂՀ-ն, որն արդեն ավելի քան 20 տարի ապացուցում է իր հուսալիությունը և կենսունակությունը, պետք է նախ ճանաչվի, որպեսզի Բաքուն դադարեցնի օգտագործել նրա չճանաչված լինելու հանգամանքը խաղաղ բնակչության վրա հարձակվելիս:
Մյուս կողմից ԼՂՀ-ն պետք է նորից նստի բանակցությունների սեղանի շուրջ. 21-րդ դարում մի ժողովրդի ճակատագրի մասին բանակցել առանց նրա ներկայացուցիչների, մեղմ ասած անիմաստ է: Ավելին, պատասխանատվության ոգին և հաշտության կամքը, որ ցուցաբերել է Լեռնային Ղարաբաղը, 1994թ. ԼՂՀ երաշխավորությամբ ՀՀ կնքած զինադադարը, ակնհայտ է, որ չի հանդարտեցրել Ադրբեջանին:
Ի վերջո, անհրաժեշտ է արդյունավետ լծակներ գտնել, որոնք կպարտադրեն կողմերին հավատարիմ մնալ հրադադարին, բաներ, որոնք արդեն ընդունել են Երևանը և Ստեփանակերտը, և Բաքուն է, որ համառորեն մերժում է: Այս համատեքստում, հաշվի առնելով տեղի ունեցած լրջագույն իրադարձությունները, մենք կոչ ենք անում ԵԱՀԿ Մինսկի խմբի համանախագահներին ստեղծել հետաքննող հանձնաժողով, որը կարձանագրի փաստերը և կսահմանի պարտականությունները: Այս դեպքում հնարավոր կլինի կիրառել քաղաքական ու իրավաբանական պատժամիջոցներ պատերազմը սանձազերծողների նկատմամբ, ինչն արվում է աշխարհում մի շարք տարածաշրջանային հակամարտությունների դեպքում:
Ստորագրել են նաև` Միշել Ամիել (սենատոր, Բուշ-դյու-Ռոն), Ռոլան Բլում (փոխքաղաքապետ, Մարսել), Վալերի Բուայե (պատգամավոր, Բուշ-դյու-Ռոն), Ֆրանսուա Պուպոնի (պատգամավոր, Վալ դ'Ուազ), Հյուգ Ֆուրաժ (պատգամավոր, Վանդե), Բեռնար Ֆուրնիե (սենատոր, Լուարա), Սոֆի Ժուասեն (սենատոր, Բուշ-դյու-Ռոն), Առլետ Գրոսկոստ (պատգամավոր, Օ-Ռին), Ժան-Ժակ Գիյե (պատգամավոր, Օ-դը-Սեն), Քրիստիան Կերտ (պատգամավոր, Բուշ-դյու-Ռոն), Պատրիկ Լաբոն (պատգամավոր, Դրոմ), Ֆիլիպ Մարինի (պատվավոր սենատոր, Ուազ և Քոմպիենի քաղաքապետ), Ֆրանսուա-Միշել Լամբերտ (պատգամավոր, Բուշ-դյու-Ռոն), Ռիչարդ Մալիե (քաղաքապետ, Բուք-Բել-Էր), Էմանուել Մանդոն (տարածաշրջանային խորհրդական, Ռոն-Ալպ-Օվերն), Քրիստոֆ Մաս (ընդհանուր խորհրդական, Բուշ-դյու-Ռոն), Մարլեն Մուրիե (Բուր-լե-Վալանս), Ժակ Ռեմիլե (նախկին պատգամավոր, պատվավոր քաղաքապետ, Վիեն), Ալեն Ների (սենատոր, Պույ-դը-Դոմ), Ռուդի Սալ (պատգամավոր, Ալպ-Մարիտիմ):
Կից նյութն՝ այստեղ։