Հետաքրքիր դեմք է Անուշավան Շահնազարյանը, ով Բերձորի միջադեպի ժամանակ հայտնվեց դեպքերի կիզակետում և հանդես է գալիս որպես միջազգային լրագող: Նրա հեղինակային հրապարակումների մասին շատ քիչ է հայտնի, ամեն դեպքում, որևիցե հոդված, որը գրվել է այդ հեղինակի կողմից, համացանցում գտնել չհաջողվեց:
Փնտրտուքներից հետո մենք միայն կարողացանք պարզել, որ վերջերս այդ նույն մարդը, ով այժմ հայտնի է Անուշավան Շահնազարյան անունով, մի քանի տարի մեծ ակտիվություն է ցուցաբերել Вконтакте սոցիալական կայքում, որտեղ գրանցված է որպես Արտյոմ Շահնազարով:
Եվ այդ կայքում նրա գործողությունները, մեղմ ասած, պրովոկացիոն են: Արտյոմ Շահնազարովի հրապարակած տեսանյութերը նացիստական բնույթի են, որտեղ ասվում է, որ եթե ռուս չես, ուրեմն ինձ եղբայր չես կարող լինել:
Ահա այս տեսանյութում երրորդ րոպեից սկսած երևում է, որ Արտյոմի ՛՛ավագ ընկերները՚՛՛, ովքեր պրոֆեսիոնալ նացիստներ են, խոսում են Ռուսաստանում գտնվող հայ ազգայնականների, Հայաստան-Թուրքիա փոխհարաբերությունների մասին և այլն: Տեսանյութը դիտելիս, պարզ երևում է, որ սյուժեն նախօրոք պլանավորված է եղել:
Անուշավան Շահնազարյանը բավականին մտերիմ հարաբերություններ ունի նաև «антитопор» խմբում իր սկանդալային տեսանյութերով հայտնի Վադիմ Հարությունովի հետ, ինչում կարելի է համզովել այցելելով «Армения-Русь братский союз» խումբը: Ստորև ներկայացված տեսանյութում Վադիմ Հարությունովը կրկին խոսում է Հայաստանի ազգայնականների մասին:
Տեսնելով այս ամենը որոշակի դժվարություններ է առաջանում Անուշավանին անվանել հայրենասեր՝ չնայած այս դեպքում վերջինս կարող է հայրենասեր լինել, բայց ոչ երբեք Հայաստանի նկատմամբ: Նրա կերպարը վերլուծելիս ավելի շուտ հանգում ենք այն եզրակացությանը, որ վերջինիս համար հայրենասեր լինելն ավելի շուտ կարող է աշխատանք լինել:
Արտյոմը՝ նույն ինքը Անուշավանը ընդգրկված է Ռոստովի՝ ֆրանսիական կազմակերպության մեջ, որը կոչվում է ՙ՛՛Արևմտյան Հայստանի պետություն՛՛: Սա էլ կարծես թե աշխատանքի մի մասն է՝ ավելի ազդեցիկ դարձնելու համար իր հայրենասեր լինելու կերպարը:
Այս ամենից հետո Արտյոմը որոշում է գալ Հայաստան:
Բերձորում տեղի ունեցած դեպքերի ժամանակ Արտյոմը/Անուշավանը իր հարցազրույցում հանկարծակի հայտնում է, որ նա բացի Ռուսաստանի քաղաքացի լինելուց, նաև Ֆրանսիայի քաղաքացի է:
Անուշավան/Արծյոմի կերպարը և նրա գործունեությունը ոչ մի կապ չունեն ոչ լրագրության, ոչ էլ առավել ևս ռեժիմի դեմ պայքարող մարդու հետ: Լրագրության հետ կապ չունեն թեկուզ այն պարզ պատճառով, որ Գյումրու դեպքերի ժամանակ, Արտյոմը/Անուշավանը պրովոկացիոն տեսանյութ հրապարակեց ու սուտ մեկնաբանությամբ այն մասին, որ իբր երկու ռուս զինծառայող են ձերբակալել:
Անուշավանն իր սեփական անձի նկատմամբ ուշադրություն գրավելու համար օգտագործեց նաև Գյումրու դեպքերը, երբ մնացածը սգում են, նա լեզու է հանում ու մատներով «victory»-ի նշան ցույց տալիս, երբ ցուցարարները 102-րդ ռուսական բազայի մոտ էին հավաքվել: Ի՞նչ է ուզում ասել դրանով Անուշավանը:
Նայել 0:56 րոպեն՝ կապույտ վերարկուով Անուշավանն է:
Բերձորում դեպքի օրը Անուշավանի ընկեր Վադիմ Հարությունովն իր սկանդալային հայտնի խմբում հրապարակեց տեսանյութ, որտեղ իր ընկերը հերոսաբար վիրավորվել էր ոստիկանների կողմից:
Չնայած հիշում ենք, որ Արտյոմը/Անուշավանը ԶԼՄ-երով ներկայացել էր որպես Նոյան Տապանի լրագրող, Երևանում գրասենյակ ունեցող, ռեժիմի դեմ պայքարող:
Ավելի ուշ՝ արդեն 1in.am կայքը Անուշավանին ներկայացրեց որպես ազատ լրագրող:
Ափսոս, որ նման մարդկանց կողքին, ինչպիսիք են Ժիրայր Սեֆիլյանն ու Ալեք Ենիգոմշյանը, կարողանում են լողալ ու հայտնվել նման մարդիկ: Արտյոմ Շահնազարովի նախկին կայքէջը անվանափոխվել ու պահպանվել է, որտեղ նա ակտիվ նացիստական գործունեությամբ է հանդես եկել:
ՀԳ. Անհասկանալի է, թե ինչու նա, ով լուսանկարվել է ոստիկանների ավտոմեքենայի մոտ՝ ոստիկանական ձողիկով, այսօր բողոքում է Արցախի ոստիկանների դեմ:
