Սոցիալական փաթեթից օգտվողների համար պետության կողմից երաշխավորվում են անվճար բժշկական օգնության ու սպա¬սարկման հետեւյալ ծառայությունները.
1) հիվանդանոցային (թերապևտիկ և վիրաբուժական) բժշկական օգնությունն ու սպասարկումը.
ա. նյարդավիրաբուժական, այդ թվում` գլխուղեղի անոթային հիվանդությունների էնդովասկուլյար բուժման (ներառյալ միկրոկաթետրի, միկրոպարույրի կամ օնիքսի արժեքը)
բ. սրտի վիրահատական և ներանոթային միջամտությունների իրականացման (ընդ որում, կորոնար անոթների ստենտավորման փոխհատուցումը ներառում է` ինչպես դեղապատ, այնպես էլ` ոչ դեղապատ ստենտի արժեքը), այդ թվում` սրտի փականների պրոթեզավորման, սրտի ռիթմը վարող սարքերի իմպլանտացիայի ծառայությունների մասով,
գ. սիներակի (Վ. Կավա/V. Cava) ֆիլտրի տեղադրումը, դ. սկլերոպլաստիկան և կեռատոպլաստիկան, ե. մետաղական կոնստրուկցիաների արժեքը` վնասվածքաբանական վիրահատությունների ժամանակ, զ. լիթոտրիպսիան (հեռահար, պերկուտան, ուրեթերոռենոսկոպիկ)
2) վնասվածքների (կոտրվածքներ, հոդախախտեր, փափուկ հյուսվածքների վնասվածքներ, սալջարդեր և այլն) հիվանդանոցային պայմաններում արտահիվանդանոցային ձևով իրականացվող բժշկական օգնությունը և սպասարկումը:
