ՀՀ Արդարադատության նախարարությունը նոր օրենքի նախագիծ է ներկայացրել: Առաջարկվում է ՀՀ քրեական օրենսգրքում լրացում կատարել, ըստ որի փորձագետի կողմից փորձաքննություն կատարելուց կամ փորձագիտական եզրակացություն տալուց ապօրինի հրաժարվելը կամ խուսափելը կհամարվի քրեորեն պատժելի արարք: Առաջարկվող հոդվածը ստորև.
Հոդված 339.1. Փորձագետի կողմից փորձաքննություն կատարելուց կամ փորձագիտական եզրակացություն տալուց ապօրինի հրաժարվելը կամ խուսափելը
1.Փորձագետի կողմից փորձաքննություն կատարելուց կամ փորձագիտական եզրակացություն տալուց ապօրինի հրաժարվելը կամ խուսափելը՝
պատժվում է տուգանքով՝ նվազագույն աշխատավարձի հարյուրապատիկից հինգհարյուրապատիկի չափով, կամ կալանքով՝ առավելագույնը երեք ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Հոդված 2. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
