Կեմերովի առևտրի կենտրոնում տեղի ունեցած հրդեհի գործով հարուցված քրեական գործի շրջանակներում ՌԴ քննչական կոմիտեն միջնորդություն է ներկայացրել դատարան՝ հինգ անձի կալանավորելու հետ կապված:
Նշվում է, որ նրանք կբերվեն դատարան՝ խափանման միջոց ընտրելու հարցը քննարկելու համար: ՌԴ քննչական կոմիտեն միջնորդելու է, որպեսզի որպես խափանման միջոց ընտրվի կալանքը: Ավելի շուտ հայտնի էր դարձել, որ հրդեհի գործով հարուցված քրգործի շրջանակներում բերման էին ենթարկվել 5 մարդ՝ շենքի սեփականատիրոջ կազմակերպության տեխնիկական գծով տնօրենը, տարածքի վարձակալը, հրդեհային ազդանշանային համակարգի սպասարկմամբ զբաղվող կազմակերպության տնօրենն ու աշխատակիցը, ինչպես նաև թիկնապահը, ով չէր միացրել ազդանշանային համակարգը:
Հիշեցնենք, որ Կեմերովի սուպերմարկետում ողբերգական ելքով հրդեհը տեղի ունեցավ մարտի 25-ին: Տուժածների թվում, նախնական տեղեկություններով, հայեր չկան:
