Այսօր ՀՀ Պաշտպանության նախարար Դավիթ Տոնոյանն այցելել է Մուրացանի կենտրոնական հոսպիտալ։
Նախարարն առաջին հերթին այցելել է նախօրեին առաջնագծում վիրավորված զինծառայող շ-ն Գևորգյան Արթուրին։ Արթուրի առողջական վիճակի մասին նախարար Դավիթ Տոնոյանը խոսել է բժիշկների հետ, հանդիպել ծնողներին։
Արթուր Գևորգյանի վիճակը ներկայումս կայուն է։
Դավիթ Տոնոյանը շրջել է հոսպիտալում, հանդիպել այլ հիվանդների, ՌԲՎ պետ Գայանե Հովհաննիսյանի և հոսպիտալի պետի հետ քննարկել հոսպիտալում բուժման կազմակերպման հետ կապված հարցեր։
ՀՀ ՊՆ մամուլի խոսնակ Արծրուն Հովհաննիսյան
