Ինդոնեզիայի Բալի կղզու իշխանությունները մտադիր են 10 ԱՄՆ դոլարի չափով հարկ սահմանել օտարերկրյա զբոսաշրջիկների համար: Այս մասին հայտնում է ՌԻԱ Նովոստին։
Նշվում է, որ վերոնշյալ հարկերից ստացվող եկամուտն ուղղվելու է շրջակա միջավայրի և տեղական մշակույթի պահպանման ծրագրերին: Կղզում հատկապես սուր է պլաստիկ թափոնների խնդիրը:
«Զբոսաշրջիկներն ուրախ կլինեն վճարել, քանի որ հարկն ուղղված է լինելու շրջակա միջավայրի ու տեղական մշակույթի պահպանմանը»,-ասել է նահանգապետ Վայան Կոստերը:
Նշվում է նաև, որ քննարկման է դրվել, թե ինչ ձևով է գանձվելու հարկը:
