Եվրոպական կենտրոնական բանկը (ԵԿԲ) հայտարարել է, որ եկող տարվա կեսերից շրջանառության մեջ կդնի նոր 10 եվրոյանոց թղթադրամը։
Ինչպես տեղեկացնում է The Economic Times-ը, թղթադրամի վրա պատկերված կլինի հին հունական դիցաբանության կերպարներից մեկը՝ Եվրոպա արքայադուստրը, ում առևանգել է Զևսը։
Նոր թղթադրամը պաշտոնապես կներկայացվի 2014թ. հունվարի 13-ին, ինչից հետո կորոշվի այն շրջանառության մեջ դնելու հստակ ամսաթիվը։
Նախատեսվում է, որ հետագայում կներկայացվեն 20, 50, 100, 200 և 500 եվրո թղթադրամների թարմացված տարբերակները։
