2014 –16 թ. «ՀայՌուսգազարդ»-ը 27 միլիոն դոլար կներդնի Աբովյան քաղաքում գազի պահեստավորումն ընդլայնելու համար: Ընդլայնման ծախսերը նախատեսված են ընկերության ներդրումային եռամյա ծրագրով: Ծրագիրը հաստատվել էր դեկտեմբերի 18-ին՝ Հայաստանի հանրային ծառայությունները կարգավորող հանձնաժողովի նիստում:
«Հայռուսգազարդ»-ի տնօրենի տեղակալ, գլխավոր ինժեներ Հրանտ Թադևոսյանը հայտնել է, որ արդյունքում ապաստարանի տարողունակությունը ներկայիս 135 – 140 –ից կավելանա մինչեւ 150 միլիոն խմ: «Հայաստանում գազի պահեստավորման եւ սպառման անհրաժեշտ նվազագույն չափը կազմում է 100 – 110 միլիոն», - նշել է Թադեւոսյանը:
Ներկայումս, հավելել է նա, Հայաստանում օրական սպառում են 11 միլիոն խմ գազ, իսկ ցրտերին այդ ցուցանիշն աճում է: «Այսպիսով, ձմռանը, երբ վառելիքի պահանջարկն ամենաբարձրն է, պահեստավորված գազով ողջ հանրապետությանը կարելի է ապահովել շուրջ երկու շաբաթ»:
Ըստ ներդրումային ծրագրի՝ 16 մՎտ հզորությամբ նոր կայանի և գազի երկու նոր հորերի շինարարության վրա 2014թ. նախատեսվում է հատկացնել 249 միլիոն դրամ, 2015 – 16 թթ.՝ 2,4 եւ 8,5 միլիարդ դրամ:
Ծրագիրը նախատեսում է նաև գործող ենթակառույցի արդիականացում, այդ թվում նաեւ 7 հորերի ընդլայնում, բաժանմունքներից մեկի վերանորոգում եւ այլն: Ընդհանուր առմամբ, ընդլայնման եւ արդիականացման համար 2014-16թթ. կտրամադրվի 5,5 միլիոն դոլար:
«Հայռուսգազարդ» ՓԲԸ-ն (ռուսական «Գազպրոմի» դուստր ձեռնարկություն) Հայաստանի գազաբաշխիչ միակ օպերատորն է: