Չինական Yinren Group ընկերությունը կգնի աշխարհում ադամանդի բանկերի թվում 2-րդ տեղը զբաղեցնող Antwerp Diamond Bank-ը (ADB), հայտնում է Lenta.ru-ն՝ վկայակոչելով բելգիական KBC ֆինանսական խմբին, որի կազմում է ADB-ն։
Գործարքի արժեքը չի բացահայտվում։ Գնումը դեռ պետք է հաստատեն կարգավորող մարմինները։
Yinren Group-ը զբաղվում է միջազգային առևտրով, անշարժ գույքով, ինչպես նաև աշխատում է ադամանդի շուկայում։ Խումբը գործունեություն է ծավալում Չինաստանում, Հոնկոնգում և Բրազիլիայում։ ADB-ի գնումը թույլ կտա ընկերությանը զարգացնել Չինաստանի ադամանդի շուկան։