Փորձագետները տեղեկացնում են, որ Volkswagen ավտոկոնցեռնը իր մասնաճյուղն է բացում Լեհաստանում: Ինչպես հաղորդում է Euromag-ը՝ գործարանի շինարարությունը կսկսվի հաջորդ տարվա մարտին և կավարտվի 2018-ին:
Անցյալ շաբաթ Լեհաստանի տնտեսության նախարարը հաստատել է այս տեղեկությունը՝ հայտնելով խոշորագույն մեքենաշինական գործարաններից մեկի մասնաճյուղը հենց իրենց երկրում բացելու մտադրության մասին:
Նախնական գնահատումների համաձայն՝ լեհական գործարանը կարող է տարեկան կտրվածքով թողարկել մինչև 100.000 մեքենաներ, ինչպես գրում է The Local-ը: