Հայաստանում Նոր տարվան ընդառաջ լայն սպառման ապրանքների գնաճ առայժմ չի նկատվում, դեկտեմբերի 25-ի մամուլի ասուլիսում հայտարարել է Տնտեսական մրցակցության պաշտպանության պետական հանձնաժողովի նախագահ Արտակ Շաբոյանը:
«Իհարկե, հավանականություն կա, որ առեւտրի այս կամ այն սուբյեկտներ որոշեն օգտվել շուկայում իրենց գերիշխող դիրքից եւ բարձրացնել գները: Առայժմ մենք նման փաստեր չենք հայտնաբերել: Սննդամթերքների, հագուստի եւ անձնական օգտագործման իրերի առումով խախտումներ առայժմ չենք հայտնաբերել», - ընդգծել է Շաբոյանը:
Պետական հանձնաժողովը շարունակում է հետեւել նաեւ գովազդի բարեխղճությանը: «Մենք հետևում ենք արտադրողների եւ առեւտրի օբյեկտների գովազդներին: Մեկ ամիս առաջ մենք արդեն հետազոտություն անցկացրել ենք եւ պատասխանատվության ենթարկել անբարեխիղճ գովազդի համար: Մեր վեահսկողությունը շարունակվում է նաեւ տոների նախաշեմին: Եթե մենք տեսնենք զեղչերի վերաբերյալ մոլորեցնող տեղեկատվություն կամ էլ նմանատիպ այլ խախտում, անմիջապես կարձագանքենք», - նշել է Շաբոյանը: