Ավստրիացիները երկար տարիների ընթացքում առաջին անգամ սկսել են ավելի քիչ գումար ծախսել նվերների համար Սուրբ ծննդի նախօրեին: Նման եզրահանգման են եկել Ավստրիայի մանրածախ առևտրի ոլորտի մասնագետները: Նրանց տվյալներով՝ դեկտեմբերի առաջին կեսին վաճառքի ցուցանիշները ցածր են եղել նախորդ տարվա նույն ժամանակաշրջանի ցուցանիշներից:
Ավստրիայի էկոնոմիկայի պալատի փորձագետների կանխատեսումների համաձայն՝ այս տարի յուրաքանչյուր մեծահասակ ավստրիացի նվերների համար կծախսի շուրջ 380 եվրո՝ 30 եվրո պակաս նախորդ տարվա համեմատ:
Խանութների դեկտեմբեր ամսվա շրջանառությունը բացարձակ թվերով կարող է հասնել 1.52 միլիարդ եվրո ցուցանիշին, սակայն ինֆլյացիան հաշվի առնելով՝ դա կնշանակի մանրածախ առևտրի նվազում:
Մասնագետների պնդմամբ՝ դրա պատճառը հարկերի աճն է և ինֆլյացիան, ինչի հետևանքով բնակչության իրական եկամուտները կրճատվել են:
