Հարավկորեական Samsung ընկերությունն ավելի քան 1 մլրդ դոլար է ծախսել 2013թ. հոկտեմբեր-դեկտեմբեր ժամանակահատվածում՝ աշխատակիցներին բոնուսներ վճարելու համար։
Դա կապված է եղել ընկերությունում գլոբալ բարեփոխումների անցկացման 20-ամյա հոբելյանի հետ։
Ընկերության ղեկավար Լի Գոն Հին, ով գլխավորում է ընկերությունը 1987-ից, 1993-ին սկսել է խոշոր բարեփոխումներ իրականացնել։
Այն ժամանակ նա կարգադրել է իր օգնականներին «փոխել ամեն ինչ, բացի իրենց կանանցից և երեխաներից»՝ Samsung Electronics-ը միջին դասի հեռուստացույցներ արտադրողից էլեկտրոնիկայի գլոբալ արտադրողի վերածելու համար։
