Քիչ առաջ ՀՀ վարչապետ Նիկոլ Փաշինյանը հանդիպեց կառավարության մոտ բողոքի ակցիա անող բանակում զոհվածների մայրերի ու այրիների հետ: Սակայն կողմերն ընդհանուր հայտարարի չեկան, վարչապետը կիսատ թողեց հանդիպումն ու հեռացավ` մինչ այդ հասցնելով Մանվել Գրիգորյանի օգնականին հարցնել, թե ինչու վերջինս չի բաժանել իր փողերը զոհվածների ընտանիքներին:
Հավաքված կանայք վարչապետի հեռանալուց հետո իրենց վորդովմունքը հայտնեցին` նշելով, որ հիմա ամեն ինչ Փաշինյանի ձեռքում է, ընտրել են, որ մարդկանց հարցերը լուծի, եթե Մանվելի ունեցվածքը պետք է վաճառվի, ուրեմն թող պետությունը զբաղվի դրանով. «Պարոն վարչապետ, Ձեր պահվածքը պահվածք չէր»:
Կանայք խնդրում են, որ վարչապետը պարբերաբար հանդիպի իրենց հետ, լսի իրեն հարցերը:
Ինչպես ավելի վաղ հայտնել էինք, ակցիայի ժամանակ կանանց էր մոտեցել մի երիտասարդ կին` փորձելով ուղղություն ցույց տալ, թե ինչպես պետք է պայքարել: Նրան հեռացրել էին կառավարության մոտից:
Քիչ առաջ զոհվածների կանանց ու մայրերիին մոտեցավ մեկ այլ կին (կարմիրով նշված) և հարցրեց, թե ինչպե՞ս են մինչև հիմա ապրել. «Եթե իրավիճակը չփոխվեր, չէիք շարունակելո՞ւ լռել»:
Զոհվածի մայրը հայտարարեց, որ իրենք երբեք լռած չեն ապրել:
«Եվ ինչի՞ եք հասել»,-հայտարարեց դժգոհող կինը:
«Դուք չեք կորցրել, ու Աստված չտա, որ կորցնեք, դրա համար չեք հասկանում մեր ցավը»,-ասաց զոհվածի մայրը:
Բողոքող կանանց բողոքից դժգոհ կինն ի վերջո հեռացավ:
«Որ հիմա այստեղ կանգնած ես, շնչում ես, մեր տղաների թափված արյան վրայով ես քայլում, անգնահատող: Չես կորցրել, ինչ գիտես կորցնողի դարդն ու ցավը»,-ասաց զոհվածի մայրը` դիմելով դժգոհ քաղաքացուհուն:
Ակցիան շարունակվում է: