Վենեսուելայում ապրանքները կսկսեն վաճառել մատնահետքերով, հայտնում է Interfax.ru-ն: Այդ երկրի նախագահ Նիկոլաս Մադուրոն հայտարարել է, որ բոլոր խանութներում մատնահետքերի սքանավորման պարտադիր համակարգ կներդրվի:
Ըստ իշխանությունների՝ այս քայլն ուղղված է ապրանքների չբավականացնելու դեմ պայքարին և մաքսանենգությանը: Սպասվում է, որ դակտիլոսկոպիայի պարտադիր համակարգը սուպերմարկետներում կգործի արդեն Նոր տարուց:
Երկրի ընդդիմությունը խստորեն քննադատել է իշխանության այս քայլը՝ դա անվանելով անձնական կյանքի անձեռնմխելիության խախտում:
2014-ի սկզբի դրությամբ վենեսուելական խանութներում բացակայել է հիմնական սննդամթերքի մեկ քառորդը: Հաճախ վենեսուելական ապրանքները տարվում են հարևան Կոլումբիա և վաճառվում ավելի թանկ գնով: Վերջինիս դեմ կպայքարեն նաև գիշերը սահմանները փակելով:
