Ուկրաինայի ֆինանսների նախարարությունը Համաշխարհային բանկից ստացել է վարկի առաջին փոխանցումը՝ 500 մլն դոլարի չափով, հայտնում է gazeta.ru-ն:
Ստացված գումարը նախատեսվում է ծախսել պետության ֆինանսական հատվածի վերականգնման նպատակով:
Վարկը տրամադրվել է 16 տարի ժամկետով: Վարկի տրամադրման մասին համաձայնագիրը ստորագրվել էր օգոստոսի 8-ին:
2014-ի մարտին հաստատվել էր Ուկրաինային Համաշխարհային բանկի ֆինանսական օգնությունը, որի ընդհանուր ծավալը 3,5 մլրդ ԱՄՆ դոլար է:
