Ինչպես արդեն տեղեկացրել ենք, www.analitik.am-ը, իր խոստումի համաձայն, ուսումնասիրում բանկերի գործունեությունը, ինչպես նաև՝ հասարակության շրջանում կարծիքներ է հավաքագրելու ՀՀ-ում գործող բանկերի սպասարկման որակի վերաբերյալ:
ՀՀ-ում գործում է 21 բանկ, որոնք բոլորն էլ ունեն մասնաճյուղեր ինչպես Երևանում, այնպես էլ՝ մարզերում: Հիմք ընդունելով այն, որ յուրաքանչյուր բանկի մասնաճյուղերը տարբերվում են միմյանցից սպասարկման որակով, աշխատակիցների մասնագիտական պատրաստվածությամբ և այլն, մեր աշխատակիցները այցելում են նույն բանկի տարբեր մասնաճյուղեր և համեմատում նրանց սպասարկման որակն ու ընդհանրապես՝ հաճախորդի նկատմամբ վերաբերմունքը:
Նախորդ նյութում անդադարձ կատարեցինք «Արդշինինվեստբանկ»-ին ու ներկայացրինք այն թերությունները, որոնք «Անալիտիկ» կենտրոնի աշխատակիցները, որպես հաճախորդներ, արձանագրել են նշված բանկի տարբեր մասնաճյուղերում:
Այս անգամ անդրադարձել ենք «Կոնվերս բանկ»-ին:
Այս բանկում մեր արձանագրած գլխավոր թերություններն են.
- Գրեթե բոլոր մասնաճյուղերում հերթերը շատ ժամանակ խլող են և նյարդայնացնող:
- Որոշ մասնաճյուղերում աշխատակիցները անբարեհամբույր են:
- Կտրոն տրամադրող սարքերից որոշ հաճախորդներ չեն կարողանում օգտվել, իսկ այդ սարքերի կոքին աշխատակիցներ չկան, որ ուղղորդեն նրանց:
- Աշխատակիցները միմյանց հակասող ինֆորմացիա են տալիս հաճախորդին, ինչի պատճառով էլ հաճախորը ստիպված է լինում մեկ գործարքի համար մի քանի անգամ այցելել բանկ:
- ՍՊԸ-ների ներկայացուցիչները բողոքում են, որ բանկը քաղվածքներ կամ այլ տեղեկություններ տալիս են առանց անձը հաստատող փաստաթղթերը ստուգելու:
- Որոշ մասնաճյուղերում հաճախորդների հարցերը հաճախ մնում են անպատասխան կամ թերի են պատասխանվում:
- Որոշ մասնաճյուղերում աշխատակիցների մասնագիտական պատրաստվածությունը ցածր մակարդակի վրա է:
Սրանք այն թերություններն են, որոնք արձանագրել են ոչ միայն «Անալիտիկ» կենտրոնի աշխատակիցները, այլև՝ հենց հաճախորդները: Հիմնական թերությունները առանձնացնելուց առաջ մեր աշխատակիցները հենց մասնաճյուղերում հարցումներ են անցկացրել հաճախորդների շրջանում, ովքեր նշել են բազմաթիվ թերությունները: Սակայն վերոնշյալ երեքի մասին խոսել են հարցմանը մասնակցած հաճախորդների մեծ մասը:
«Անալիտիկ» կենտրոն
Կարդացեք նաև՝
«Արդշինինվեստբանկ». Անդրադարձ՝ ըստ մասնաճյուղերի
