Ռուսական «Գազպրոմ» էներգետիկ ընկերության ղեկավար Ալեքսեյ Միլլերը հայտարարել է, որ ընկերությունն այժմ դիտարկում է դեպի Ճապոնիա գազատար կառուցելու մասին Տոկիոյի առաջարկը, գրում է kommersant.ru-ն՝ TASS գործակալությանը հղումով։
«Մենք ճապոնական կողմից առաջարկ ունենք։ Խոսքը Ճապոնիայում գազա- և էլեկտրաէներգիայի բաշխման գործին մեր մասնակցության մասին է։ Նախագծերը դեռ ուսումնասիրվում են։ Մենք դեռ ոչ մի պատասխան չենք տվել»,- ասել է Միլլերը
