Իրաքյան բանակի հրամանատարությունը հայտարարել է երկրի հյուսիսային Բայջի քաղաքը ԴԱԻՇ-ի զինյալներից ազատագրելու մասին: Բնակավայրում է գտնվում երկրի խոշորագույն նավթավերամշակման գործարանը: Այս մասին փոխանցում է BBC-ն:
Որոշ տվյալներով՝ պայքարը գործարանի համար շարունակվում է:
Ջիհադիստները զավթել էին քաղաքը հունիսին՝ պաշարելով նաև նավթավերամշակման գործարանը:
Փորձագետների խոսքով՝ Բայջիի ազատագրումից հետո իրաքյան բանակը կարող է իսլամիստներին դուրս մղել հարևան Տիգրիտից:
Բայջին գտնվում է Բաղդադից 200 կմ հյուսիս-արևմուտք: