Ուկրաինայի էներգետիկայի և ածխի արդյունաբերության նախարարությունն ուսումնասիրում է Ռուսաստանից էլեկտրաէներգիա գնելու հնարավորությունը, հայտարարել է գերատեսչության ղեկավար Յուրի Պրոդանը, գրում էКорреспондент-ը։
«Մենք քննարկում ենք այդ հնարավորությունը, նման հնարավորության նպատակահարմարությունը։ Եթե նման հանձնարարություն կա Ազգային անվտանգության և պաշտպանության խորհրդի կողմից, մենք պարտավոր ենք դա կատարել»,- նշել է Պրոդանը։
Նա պարզաբանել է, որ նախկինում էլեկտրաէներգիայի ներկրման վերաբերյալ բանակցությունները Ռուսաստանի հետ վարում էին մասնավոր ընկերությունները։ Այժմ նրանց կարող է միանալ պետական Укринтерэнерго ընկերությունը։
