Տեխնիկական կանոնակարգման որակի ենթակառուցվածքի աշխատանքներում յուրաքանչյուր տեխնիկական կանոնակարգի վերաբերյալ անհատական մոտեցում է կիրառվել, գնահատվել են բոլոր ռիսկերը:
Այս մասին հայտնեց էկոնոմիկայի փոխնախարար Էմիլ Տարասյանը՝ Հայաստանի արդյունաբերողների և գործարարների միության և ՀՀ էկոնոմիկայի նախարարության համատեղ՝ «Եվրասիական տնտեսական միության երկրներ–Հայաստան արտահանման խնդիրներ» թեմայով կազմակերպված կլոր–սեղան սեմինարի ժամանակ: Նա նշեց, որ աշխատանքներ են տարվում, որ նոր տեխնիկական կանոնակարգերի անցմանը մեր տնտեսությունը պատրաստ լինի:
Ավանի աղի կոմբինատի գլխավոր տնօրեն Արեգ Ղուկասյանը խնդրեց անդրադառնալ այն տեխնիկական կանոնակարգերին, որոնք ԵՏՄ անդամակցության հետևանքով փոփոխության են ենթարկվելու:
Էկոնոմիկայի փոխնախարարն ասաց, որ տեխնիկական կանոնակարգի մասով ստեղծված աշխատանքային խումբը բանակցություններ է վարել և արդյունքում անցումային շրջան է համարվել առաջիկա մեկ տարին:
«Եթե արտադրանքը չի արտահանվելու ԵՏՄ երկրներ և սպառվելու է Հայաստանում, ապա գործելու է Հայաստանի տեխնիկական կանոնակարգերը, իսկ եթե արտադրանք արտահանվելու է ԵՏՄ այլ երկրներ, ապա այն պետք է բավարարի ԵՏՄ տեխնիկական կանոնակարգին»,-ասաց նա։
Փոխնախարարը նաև հայտնեց, որ ներկայումս ԵՏՄ- համար մշակվել է 34 տեխնիկական կանոնակարգ է և նախատեսված է այն հասցնել 66-ի: «2016 թվականից պահանջը կխստանա»,- ասաց Էմիլ Տորոսյանը և նշեց, որ 2016 թվականից հետ Հայաստանի տարածքում ևս գործելու են ԵՏՄ կանոնակարգերը:
Ինչ վերաբերում է թեթև արդյունաբերությանը, ապա փոխնախարարն ասաց, որ ԵՏՄ պահանջներից է, որ թեթև արդյունաբերության ոլորտի արտադրանքը, ինչպես նաև օծանելիքը հայտնվի տեխնիկական կանոնակարգման դաշտում, սակայն մեզ մոտ միառժամանակ երկու տարի գործելու է ազգային օրենսդրությունը:
Նա նշեց, որ լաբորատոր վերազինման հարցում, թեև ունենք խնդիր, սակայն լաբորատորիան ունենք, որը կգործի կկանոնակարգի մեջ մտնելուց հետո: «Լաբորատորիաների վերազինման գործը մեկ տարվա ընթացքում շատ արագ իրականացվելու է»,-ասաց նա:
Քննարկմանը գործարարներն անդրադարձան նաև «կանանչ միջանցք» ունենալու անհրաժեշտությանը:
