Datalex.am-ից տեղեկանում ենք, որ ՀՀ-ում վճարային առաջատար համակարգերից ՛՛Տանդեմ Փեյմինթս՛՛ ՍՊԸ-ն հայտնվել է դատարանում, և ըստ հավաստի լուրերի, գնում է սնանկացման: Վերջինիս դեմ գումարի բռնագանձման հայց է ներկայացրել Բուքմեքերական գործունեությամբ զբաղվող ՛՛Վիվառո Բեթինգ՛՛ ՍՊԸ -ն և երկու հայցով վերջինիցս պահանջում է մոտ 83.000.000 ՀՀ դրամ գումար:
Ըստ Վիվառոյի, ՛՛Տանդեմ Փեյմինթս՛՛ ՍՊԸ -ի տերմինալներով գումարները փոխանցվել են, սակայն տեղ չեն հասել: Զարմանալին այն է,որ այսքանից հետո ՛՛Տանդեմ Փեյմինթս՛՛ ՍՊԸ -ն այսքանից հետո շարունակում է վճարումներ ընդունել, բայց թե ո՞ւր են գնում այդ գումարներն անհայտ են, և եթե հանկարծ այս ընկերությունը սնանկ ճանաչվի, ապա պատկերացնելն անգամ սարսափելի է, թե ինչքան մարդ և կազմակերպություն կսննկանան այդ ամենի հետևանքով:
Ի՞նչ է սա՝ երկու տնտեսավարողի վե՞ճ, թե ուղղակի ինչ-որ մեկը փորձում է մոնոպոլիզացնել այս ոլորտը նույնպես։
Ըստ հնարավոր առաջին սցենարի ՛՛Տանդեմ Փեյմինթս՛՛ ՍՊԸ-ն հանդես է գալիս որպես առանձին գործոն, բայց հնարավոր է, որ իրականում սա հերթական խաղի լինի մեր ժողովրդի և որոշ կազմակերպությունների գլխին, որտեղ ՛՛Վիվառոն՛՛ էլ իր դերակատարումն ունի։ Ամեն դեպքում այս պատմությունը նման է սննկացած Սթառ-ի, Մոսկվիչկայի և բոլոր նույնանման կերպով սննկացած կազմակերպությունների պատմությանը, ինչի արդյունքում տուժվեց ժողովուրդը և այն կազմակերպությունները, որոնք խանգարում էին ոմանց մոնոպոլիզացնել ոլորտը։
Շարունակելի
