՛՛Ալգա՛՛ իրավաբանական ընկերությունն իր ՖԲ էջում գրում է, որ վերջերս իրենց են դիմել քաղաքացիներ, որոնց ապահովագրական գործերի ուսումնասիրությունից պարզ դարձավ, որ ՀՀ-ում արդեն շատ վաղուց գործում է ՀՀ քաղաքացիներից գումարներ կորզելու մի մեխանիզմ, որի հանճարեղությունը կայանում է նրանում,որ այն գործում է բոլորի աչքի առջև, օրը ցերեկով, և ավելին՝ իր այդ գործունեության իրականացման համար դեռ արտոնագիր էլ ունի:
Ուսումնասիրելով Ռեսո ապահովագրական ընկերության սեփականատերերին, հենց առաջին իսկ քայլերից պարզ է դառնում,որ զարմանալ պետք չէ ոչ նրա գործունեության, ոչ էլ նրա գումարներ վերցնելու և դրանք հետ չտալու անհագ ցանկության վրա։
Քանզի այդ կառույցի սեփականատերն է տխրահռչակ ՅունիԲանկի սեփականատեր Գագիկ Զաքարյանը: Նախկինում բազմիցս անդրադարձել ենք այդ բանկի գործունեությանը,նրա աշխատակիցների կողմից կատարված չարաշահումներին և սեփականատեր Գագիկ Զաքարյանի, մեղմ ասած, ներգրավվածությանը միջազգային տարբեր ֆինանսական սկանդալներում, ինչի հետևանքով տուժել են բազմաթիվ քաղաքացիներ և նույնիսկ պետություններ:
ՍԱյս հոդվածում հանգիստ թողնենք ՅունիԲանկին և վերադառնանք վերջինիս ածանցյալ Ռեսո ապահովագրական ընկերությանը։
Սույն ապահովագրական ընկերության, այսպես ասած, ապահովագրական պայմաններին ծանոթանալով, համոզվում ես հետևյալում,որ ամեն ինչ արված է մի նպատակի համար․
Քաղաքացու մոտ ստեղծել պատրանք,որ նա ապահովագրված է,գանձել նրանից գումարներ,սակայն ապահովագրական պատահարի դեպքում ուղղակի չհատուցել:
Թե ինչպե՞ս է դա կատարվում և ի՞նչ հնարքներով կներկայացնենք մեր հաջորդ նյութում:
