Զառա Հովհաննիսյանը ֆեյսբուքյան իր էջում գրում է․
Մեր պապերից ում գլուխը 15 թվին երիտթուրքերը կերան, ով ստալինիզմի զոհ գնաց 37 թվին, ով էլ Հայրենական պատերազմում հիտլերիզմին զոհ գնաց: Հիմա որ Մոսկվան զարդարել են Ստալինի նկարներով, տրամաբանությունը ո՞րն է, էս մարդատյաց մեքենաները հավասարապես մարդկային կյանքեր են խլել, հիմա մեկը մյուսից զատել, մեկին հերոսացնելը պատմության խեղաթյուրում է:
Մյուս կողմից ֆաշիզմի դեմ հաղթանակը կամ յուրացնելը, կամ նսեմացնելը հավասարապես եղկելի են: Մարդկությունը հաղթահարել է ֆաշիզմը, չի հաղթահարել ստալինիզմն ու դեռևս չի ճանաչել Օտոմանական կայսրության ոճրագործությունը: Ես հավասարի նշան եմ դնում այս բոլորի միջև այս պահին, մի՛ փորձեք աղավաղել իմաստներն ու հերոսացնել նրանց, ովքեր հավասարազոր ոճրագործներ են եղել:
