2015 թվականի հունվարի մեկից Ուկրաինայում հնարավոր է ներմուծվող ապրանքների համար ժամանակավոր հարկ սահմանվի՝ 12 ամիս ժամկետով, գրում է rg.ru-ն։
Նման հայտարարությամբ հանդես է եկել երկրի կառավարությունը, որը բյուջեի աղետալի պակասուրդ է զգում։ Այս քայլը հիմնավորվում է վճարային հաշվեկշռի կայունացման անհրաժեշտությամբ։
Կիևում կարծում են, որ այն համապատասխանում է Առևտրի համաշխարհային կազմակերպության դրույթներին։
Երեքշաբթի երեկոյան փաստաթուղթն արդեն ներկայացվել է Գերագույն ռադա։
Նշվում է, որ ըստ նոր հարկի՝ պարենային ապրանքների դեպքում կգործի 10 տոկոսի չափով հարկ, 5 տոկոսի չափով՝ արդյունաբերական ապրանքների, իսկ հարկից ընդհանրապես կազատվեն երկիր ներմուծվող նավթը, գազը, ածուխը, ատոմային էլեկտրակայանների համար վառելիքը, ինչպես նաև էլեկտրաէներգիան և հումանիտար օգնությունը։
