Մամուլի տեսություն 

Ներկայումս ՀՀ պետական պարտքը կազմում է 4.658 մլրդ դոլար, որից շուրջ 440 միլիոն դոլարը բաժին է ընկնում ԿԲ-ին․ «168 ժամ»

analitik.am

«168 ժամ» թերթը գրում է. «ՀՀ Ազգային ժողովի երեկվա արտահերթ նիստում քննարկվում էր «Պետական պարտքի մասին» օրենքում փոփոխություններ կատարելու նախագիծը: Առաջին հայացքից շատ անմեղ փոփոխություն կարող է թվալ՝ «պետական պարտք» արտահայտությունը փոխարինվում է «կառավարության պարտք» արտահայտությամբ։ Խոսքը վերաբերում է այն սահմանափակմանը, որ պետական պարտքը չի կարող գերազանցել նախորդ տարվա ՀՆԱ-ի 60%-ը։

Ու թեպետ նախաձեռնության հեղինակ ՀՀ կառավարությունը պնդում է, որ օրենքի փոփոխությունը ունի զուտ տեխնիկական, հաշվարկների հետ կապված հարցերը կարգավորելու նպատակ, այս փոփոխությունն իրականում բարձրացնում է պետպարտքի թույլատրելի շեմը։

Ներկայումս ՀՀ պետական պարտքը կազմում է 4.658 մլրդ դոլար, որից շուրջ 440 միլիոն դոլարը բաժին է ընկնում Կենտրոնական բանկին։ Այս փոփոխությամբ՝ ԿԲ-ի պարտքը դուրս է գալիս սահմանափակման շրջանակներից, ինչը կառավարությանը թույլ է տալիս իր սեփական «սահմաչափից» դուրս ևս 440 միլիոն դոլարի լրացուցիչ վարկեր ներգրավել։

Մանրամասները՝ թերթի այսօրվա համարում

Նույն շարքից