Մյունխենի ժամանակակից պատմության ինստիտուտը 2016թ. հունվարին կվերահրատարակի Ադոլֆ Հիտլերի Mein Kampf ծրագրային աշխատանքը, որը չի հրատարակվել Գերմանիայում Երկրորդ համաշխարհային պատերազմից ի վեր, գրում է Washingtonpost-ը:
Աշխատանքը կտպագրվի 2 հատորով` գրեթե 2.000 էջ ընդհանուր ծավալով, և կարժենա 59 եվրո: Առաջին տպաքանակը նախատեսում է 3.500-4.000 նմուշ:
Գրքի վերահրատարակումն առաջացրել է Գերմանիայի հրեական համայնքի բացասական արձագանքը, ովքեր գիրքն անվանել են վտանգավոր:
Ինստիտուտում, ընդհակառակը, նշել են, որ աշխատանքը հրապարակում են հենց նրա համար, որ ցրեն դրա շուրջ ստեղծված առասպելները։
