Մայիսի 14-ին Ավստրիայում ՀՀ դեսպանությանը կից գործող «Հայաստան» կենտրոնում կազմակերպվել էր հանդիպում-ընդունելություն «Եվրատեսիլ-2015» երգի մրցույթում Հայաստանը ներկայացնող «Genealogy» խմբի հետ:Այս մասին հայտնում է ՀՀ ԱԳՆ մամուլի ծառայությունը:
Մասնակիցներին ողջունելու են եկել Ավստրիայում բնակվող հայ համայնքի բազմաթիվ ներկայացուցիչներ, ավստրիացի լրագրողներ, արվեստի բնագավառի ներկայացուցիչներ:
Հանդիպման սկզբում ողջույնի խոսքով հանդես է եկել Ավստրիայում ՀՀ դեսպան Արման Կիրակոսյանը, ով իր բարեմաղթանքները հղեց մասնակիցներին և անդրադառնալով երգի գաղափարին` քաջալերել է բոլոր ներկաներին` աջակցել «Եվրատեսիլ-2015»-ում հայ մասնակիցների հաղթանակին:
Խմբի յուրաքանչյուր մասնակից պատմել է իր արմատների մասին և կատարեց մեկ ստեղծագործություն: Վերջում «Genealogy» խմբի անդամները կատարել են մրցույթին ներկայացվելիք «Առերեսվիր ստվերին» («Face The Shadow») երգը:
