ԱԺ «Հայ ազգային կոնգրես» խմբակցության պատգամավոր Հրանտ Բագրատյանն այսօր հանդես է եկել երթևեկության խախտումների դեպքում տուգանքների նվազեցմանը վերաբերող նոր օրենսդրական նախաձեռնությամբ։
«Առաջարկել եմ ճանապարհային երթևեկության կանոնները խախտելիս նախատեսված տուգանքները փոքրացնել 2,5 անգամ, իսկ արագության գերազանցումը հաշվարկել նկատի ունենալով +/- 20 ինտերվալը։ Ըստ այդմ առաջարկվել են փոփոխություններ «Վարչական իրավախախտումների վերաբերյալ» ՀՀ օրենսգրքի 124-րդ հոդվածում։ Առաջարկություններն արվել են վերլուծելով համանման մոտեցումները Գերմանիայում, Ռուսաստանում և Ուկրաինայում»,-Facebook-ի իր էջում գրել է Հրանտ Բագրատյանը։
